Soomaliland oo ka hadashay hubkii u gacan galay Puntaland

Soomaaliland ayaa ka hadashay markabka hubku ku raranyahay ee gacanta u galay m/mulka Puntland.

Wasiirka arrimaha dibadda Soomaaliland ayaa qoraal uusoo saaray waxaa uu u qornaa sidaan

Wasiirka Arrimaha dibadda iyo iskaashiga caalamiga ah ee Jamhuuriyadda Somaliland Md. Cabdiraxmaan Daahir Aadan, ayaa sheegay in go’aankii Qarammada midoobay ay cunoqabataynta hubka kaga qaaday dalka fashilmay ee Soomaaliya ay cawaaqib xun ku yeellatay xasiloonida mandaqada Geeska Afrika.

Wasiirka Arrimaha dibadda Somaliland wuxuu sidaas ku sheegay qoraal uu caawa ku daabacay barta X (Twitter), kaasi oo ay soo xigatay Wakaaladda wararka Somaliland ee SOLNA.

“Go’aanka Qarammada Midoobay ay ku qaaday cunaqabatayntii hubka ee dalka fashilmay ee Soomaaliya, ayaa sababtay cawaaqib xumo iyo xasilooni-darro ballaadhan,” ayuu yidhi Wasiir Cabdiraxmaan Daahir Aadan, wuxuuna intaas ku daray, “Halkii cunoqabatayntaas la qaaday laga filayey in uu gacan ka geysto nabadda iyo deganaanshaha, wuxuu dhiirrigeliyay kooxaha xagjirka ah, waxana tallaabadaasi sii wiiqday amniga guud ee gobolka.”

Wasiirka Arrimaha dibadda Somaliland ayaa ugu baaqay beesha caalamka inay si degdeg ah dib ugu qiimayso oo ay dib u eegis ku samayso cunoqabataynta hubka ee laga qaaday Soomaaliya, maadaama khatarteedu sii kordhayso oo ay halis gelinayso xasilloonida Geeska Afrika.