Fahad Yaasiin oo dib ugu laabtay Muqdisho

by abdinajib abdullahi
Taliyihii hore ee hay’adda Nabadsugidda Qaranka ee NISA Fahad Yaasiin ayaa saaka kusoo laabtay magaalada Muqdisho kaidb markii dhowaan diyaarad uu la socday laga celiyey dalka Jabuuti.

Saraakiisha dawladda Soomaaliya ayaa xaqiijiyey in Fahad Yaasiin oo la socda diyaarad khaas ah oo kasoo duulay dalka Turkiga uu soo degay wax yar kadib 6:00am waqtiga Muqdisho.
Ilaa hadda ma cadda in diyaaraddaas ay imaatinkeeda ku wargelisay saraakiisha garoonka duulista hawada iyo in kale.
Fahad Yaasiin ayaa maalintii Jimcaha ka mid ahaa ilaa 40 qof oo dib ugu laabtay magaalada Istanbul kadib markii saraakiil Soomaali ah ay amreen diyaaradda sidday inaysan keeni karin magaalada Muqdisho, sida ay ilo dhinaca amniga ah inoo xaqijiyeen

Dhowaan ayaa Fahad Yaasiin loo magacaabay inuu noqdo La-Taliyaha Amniga Qaranka ee Madaxweynaha Soomaaliya kadib markii uu xilka hay’adda NISA ka qaaday Ra’iisul Wasaaraha Soomaaliya taasi oo markii dambe uu diiday madaxweynaha, muran siyaasadeedna uu ka dhashay.
Fahad Yaasiin ayaa laga sugayaa inuu Guddiga Amniga Qaranka uu xog ka siiyo kiiska Ikraan Tahliil oo ah gabadh u shaqaynaysay hay’adda NISA oo la la’yahay ilaa 26-kii Juun ee sannadkan.

xaquuqda weydhowrsantahay:Boudless media