Nin lagu tuhunsana Dilka Sarkal ktirsan DCI da kenya oo la dilay!

By Ayanle Dhiire 

Nin lala xiriirinaya dilka sarkaal ka tirsan waaxda dambi baarista dalka ee DCI-da ayaa saaka lagu toogtay xaafadda Kayole ee magaalada Nairobi ka dib markii israsaaseyn dhexmartay isaga iyo booliiska
Booliiska ayaa sheegay in eedeysanaha la dilay lagu magacaabii jiray John Kamau oo loo yaqaano Faruk.
Eedeysanaha ayaa la dilay ka dib markii uu isku dayay inuu la dagaalamo sarakiil booliis oo ku raadjoogtay xilli uu ku dhuumaleysanayay aagga Soweto ee xaafadda Kayole.
Waxaa uu eedeysanaha u hogggnasami waayay amar ka soo baxay saraakiisha oo ahaa inuu is dhiibo.
Sidoo kale waxaa howlgalkan ku dhaawacmay mid ka mid ciidamada booliiska.
Taliyaha booliiska ee ismaamulka Nairobi Adamson Bungei ayaa sheegay in sarkaalka dhaawacmay loola cararay xarun caafimaad islamarkaana ay xaaladdiisu haatan wanaagsan tahay.
Wararka ayaa intaasi ku daraya in bistoolad la sheegay in loo adeegsaday dilka sarkaalka ka tirsanaa waaxda DCI-da ayaa howlgalkan lagu soo helay.
Waxaa howlgalkan iska kaashaday saraakiil ka tirsan waaxda dambi baarista dalka ee DCI-da iyo dhigooda sirdoonka qaran ee NIS.
Dhanka kale, toddobaadkii hore ayay ahayd markii gacanta ku dhigay eedaysane lagu tuhmayo inuu qayb ka ahaa 3 qof oo la rumeysan yahay inay ka dambeeyeen dilka sarkaalka.
Sarkaalka laga takhalusay ayaa lagu magacaabi jiray David Mayaka.