skip to Main Content

Qarax is-miidaamin ah oo ka dhacay magaalada Muqdisho

BY abdinajib abdullahi

Qarax xooggan ayaa goor dhaweyd ka dhacay Isgooska Ceel-Gaabta ee Magaalada Muqdisho oo ah meel u dhow bar kontarool oo laga ilaaliyo madaxtooyada Soomaaliya, sida ay inoo xaqiijiyeen ilo ku sugan goobtaas.

Qaraxan ayaa loo adeegsaday gaari laga soo buuxiyay waxyaabaha Qaraxa, sida uu Radio Muqdisho u sheegay Afhayeenka Booliska Soomaaliya Cabdifitaax Aadan Xasan, waxaana socda gurmad ay wadaan howlwadeennada caafimaadka iyo kuwa dab-damiska.
Wararka aya sheegaya in ciidamada ammaanku ay xireen agagaarka goobta uu qaraxu ka dhacay, ayna wadaan baaritaanno la xiriira qaraxyo kale oo laga cabsi qabo.

Wararku waxay intaas ku darayaan inuu jiro khasaare dhimasho iyo dhaawac ah oo soo gaaray dad rayid ah oo ka agdhawaa goobtaa uu ka dhacay qaraxan, waloow aysan hay’adaha ammaanka iyo kuwa caafimaadku weli sheegin tiro la xiriirta waxyeellada qaraxan.

Ururka Al-Shabaab ayaa sheegta mas’uuliyadda qaraxan.

Wixii ku soo kordha halkan ayaad kala socon doontaan.
XAQUUQDA WEY DHOWRSANTAHAY :BOUDLESS MEDIA

Back To Top