Samafalayaal u dhashay mareykanka oo kudhintay shil kadhacay kenya

By Ayanle Dhiire 

Saddex samafalayaal ah oo u dhashay Maraykanka ayaa ku nafwaayay shil laga soo tabiyay ismaamulka Nairobi.

Waxay ka mid ahaayeen howlwadeennada xarunta caalamiga ee badbaadinta carruurta .

Shilka ayaa ka dhacay waddada wayn ee u dhexeysa Narok iyo seeraha Maasai Mara meel aan sidaasi uga fogeyn garoonka yar ee diyaaradaha ee Eusonyiro .

Warbixin ka soo baxday xafiiska guddoomiyaha Narok ayaa lagu sheegay in shilka uu u dhexeeyay baabuur ay dadkan saarnaayeen iyo mid ka mid ah gawaarida xamuulka oo isku dhacay.

Waxaa bayaanka ku xusan in labo ka mid ah saddexda samafalayaal ee shilka ku dhintay ay da’doodu ahayd 61 iyo 33 sano.

Wararka ayaa intaasi ku daraya in meydadka saddexda qof loo soo qaaday ismaamulka Nairobi halka baabuurkoodi oo burburay la geeyay saldhigga booliiska ee ismaamulka Narok.