Shir Xasaasi ah oo ka Furmay Magaalada Garowe

By isxaaq Rashiid Magaalada Garoowe ee Caasimada Maamulka Puntland ayaa maanta waxa  ka furmay shir xasaasi ah oo u dhexeeya madaxweynayaashii hore ee Soomaaliya ,  Shariif Sheekh Axmed iyo  Maxamed Cabdullahi Farmaajo, iyo sidoo kale Madaxweynaha  Maamulka Puntland Saciid Deni.

Shirkan aya waxaa goob joog ah madaxweyne ku xigeenka Puntland iyo xildhibaano ka tirsan labada gole ee baarlamaanka federaalka Soomaaliya.

shirka ayaalooga doodaya xaalada siyaasadeed ee dalka , gaar ahaan wax ka beddelka dastuurka KMG ka ah ee dalka oo dood ay ka taagan tahay.

Madaxweyne Xasan sheekh ayaa dhowr jeer sheegay in ay ka go’an  tahay sidii hore loogu sii wadi lahaa  Wax ka bedelka Dastuurka  oo cidna aan loo joojin doonin.

Shirka ka furmay Garowe ayaa kusoo aadaya, xilli ay Madaxtooyada Soomaaliya isku  dayeyso in ay meel-mariso dastuurka dalka oo ay ku howlan yihiindoodiisa  labada Aqal ee baarlamaankaSoomaaliya .

Sidoo kale Madaxda shirka uu uga Furmay  Magaalada Garowe ayaa qorshahooda uu  yahay sidii ay u sameynsan  lahaayeen isbaaheysi mucaarad ah oo ka dhan ah madaxweyne Xasan Sheekh, si ay uga hortegaan qorshihiisa ku aadan wax ka beddelka dastuurka KMG ah.

Madaxweynayaashii  hore ee dalka iyo Hogaamiyaha Maamulka  Puntland ayaa la sheegay in ay ka mideysan yihiin  diidmada qorshaha dhameystirka dastuurka ee ay waddo  ay wadaan madaxda sare ee dalka .

Hase’ ahaatee ‘ Shirka ka socda Magaalada Garowe ayaa  imaanaya iyadoo Weli uu taagan yahay Khilaafka u dhexeya  Dawlada Federaalka Soomaaliya iyo Maamulka Puntland .