Faah faahino ka soo baxaya Dagaal ka dhacay Gobolka Sh/ Hoose iyo sarkaal ku dhintay

By isxaaq Rashid Xubno ka tirsan AS  ayaa weerar ku bilowday Qaraxyo  ku  qaaday fariisimo ciidanka dowladda  ku leeyihiin  deegaanka Busley, oo u dhaw deegaanka Jaziira ee gobolka Shabeelaha Hoose.

Wararka ayaa sheegaya in AS qaraxyada  kaddib weerar toos ah ku qaadeen  Fariisimaha  ay joogeen ciidanka dowladda oo isugu jiray Booliis Milataaro, Haramcad iyo sidoo kale ciidanka NISA ee loo yaqaan Duufaan.

Ciidanka dowladda ayaa la sheegay in ay iska difaaceen weerarka AS  waxaana xerada la weeraray ka dhacay dagaal culus oo uu  khasaaro kasoo gaaray labada dhinac.

Dagaalka waxaa ku dhintay saraakiil iyo askar katirsan ciidanka dowladda, waxaana dadka dagaalka lagu dilay kamid noqday sarkaal katirsanaa Ciidanka Booliisa Milataaro oo lagu magacaabayay Liibaan Golcad, kaas oo si weyn looga yaqaanay Muqdisho.

Sarkaalkan la dilay ayaa kamid ahaa saraakiisha hoggaamisa ciidanka xasilinta caasimadda Muqdisho ee Booliisa Milataaro, waxa uuna door weyn ku lahaa xasilinta ammaanka magaalada iyo deegaannada ku dhaw dhaw.

Al Shabaab ayaa guulo ka sheegatay dagaalka saakay ku qaadeen ciidanka dowladda  ee ka hawlgala degaanka Busleey  ee gobolka shabeelada Hoose.

Dowladda Soomaaliya ayaa ilaa hadda   ka hadlin weerarka AS  kusoo qaadeen ciidankii joogay deegaanka Busley iyo khasaaraha ka dhashay,